Qu’es aquò Lutim ?

Lutim es un servici gratuit e anonim d’albergament d’imatges. S’agís tanben del nom del logicial (liure) que fornís aqueste servici.

Los imatges depausats sus Lutim pòdon èsser gardats sens fin, o s’escafar tre lo primièr afichatge o al cap d'un delai causit entre los prepausats.

Cossí aquò fonciona ?

Depausatz vòstres imatges dins la zòna prevista per aquò o seleccionatz un fichièr d'un biais classic e Lutim vos donarà quatre URLs en torna. Una per afichar l'imatge, una mai per lo telecargar dirèctament, una per l'utilizar suls malhums socials e una darrièra per suprimir vòstre imatge quand volguèssetz.

Podètz, d'un biais facultatiu, demandar que l'imatge o los imatges depausats sus Lutim sián suprimits aprèp lor primièr afichatge (o telecargament) o al cap d'un delai causit entre las prepausadas.

Es vertadièrament gratuit ?

Òc, o es ! Al contrari, s'avètz enveja de sosténer lo desvolopaire, podètz far un microdon amb Tipeee o via Liberapay.

Es vertadièrament anonim ?

Òc, es aquò ! Al contrari, per de rasons legalas, vòstra adreça IP serà enregistrada quand mandaretz un imatge. Perdetz pas lo cap, normalament es çò normal pels demai dels sites suls quals mandatz de fichièrs !

L’IP de la persona que mandèt l'imatge es gardada pendent un delai que depend de l'administrator de l'instància (per l'instància oficiala que lo servidor es en França, es un delai d'un an).

Se los fichièrs son ben estats suprimits se o avètz demandat, lors signaturas SHA512 son gardadas.

Qual a los dreits suls imatges mandats sus Lutim ?

Solament lo qu'a mandat ! (ben, solament se ten los dreits exclusius dels imatges abans de los mandar)

A l'invèrse de la màger part dels servicis de partiment d'imatge, daissatz pas cap de dreit suls imatges que mandatz.

Qué far per senhalar un imatge ?

Mercés de contactar l'administrator : MilkyWan <contact at milkywan.fr>

Cossí cal prononciar Lutim ?

Òm pronóncia coma en occitan lengadocian, LU-TI-N, amb una M finala que sona N, o coma la paraula francesa lutin (/ly.tɛ̃/).

E a prepaus del logicial que fornís lo servici ?

Lo logicial Lutim es un logicial liure, que permet de lo telecargar e de l’installar sus vòstre pròpri servidor. Gaitatz l’AGPL per veire que son vòstres dreits.

Per mai de detalhs, consultatz la pagina del projècte.

Desvolopaires de l'aplicacion

• Luc Didry, aka Sky (https://fiat-tux.fr), desvolopaire màger, @framasky sus Diaspora* e sus Mastodon
• Dattaz (http://dattaz.fr), desvolopaire de la webapp, @dat_taz

Contributors

• Jean-Bernard Marcon, aka Goofy (https://github.com/goofy-bz)
• Jean-Christophe Bach (https://github.com/jcb)
• Florian Bigard, aka Chocobozzz (https://github.com/Chocobozzz)
• Sandro CAZZANIGA, aka Kharec (http://sandrocazzaniga.fr), @Kharec
• Laura Arjona Reina (https://wiki.debian.org/LauraArjona), traduccion en espanhòl
• Thor77 (http://thor77.org)
• Quentin Pagès, traduccion en occitan
• Alexis Clairet (https://github.com/Turboconnard), possibilitat de pegar un imatge per lo mandar
• ButterflyOfFire, traduccion en arabi
• Alexander Sapozhnikov (http://shoorick.ru), traduccion en rus

Tornar a la pagina d'acuèlh